المجلس ومبارك وجهان لعملة واحدة

المرة دي اول مرة اكتب بميعاد محدد بس يلا مينفعش دعوة ذي دي تفوتني من غير الانضمام الي صفوف المدونين الذين ارادوا كسر الخوف من الكتابة عن المجلس او بمعني اصح اسقاط الالوهية عن المجلس بس عموما هحاول احكي شوية عن المجلس العسكري مالك مستغرب لية ايوه المجلس العسكري هوا في حد قالك ان المجلس ده آله لسمح الله دول شوبة ظباط فاكرين نفسهم الضباط الاحرار سيبك بقي من اسطوانة حماية الثورة ومضربناش فيكو بالنار والكلام ده بكل بساطة لو وقففت امام المشير طنطاوي ولقيتة بيقولي كدا هقولة متقدرش هو الود وده كان يخلص علينا كلنا بس هوا عارف ان اول رصاصة كانت هتخرج من سلاح ميري علي المتظاهرين كان هيخرج قصادها مائة رصاصة ميري بس متوجهة ليه هوا. ف والنبي بلاش اشتغالات يا عم طاطا نيجي بقي لسيناريو السيطرة علي مقاليد الحكم هما طبعا اذكياء ولازم يواكبوا التظور فعقول الشعب يعني هتشم رائحة انقلاب 52 بس المرة دي بالالوان بداية بالاسطوانة السابق ذكرها ومظاهرات التايد لجناب المجلس العسكري وتوقيعات من الناس لبقائة في حكم البلاد لا واية بقي التاني اللي جاي يقولك الشعب لما قال نعم في الاستفتاء كان بيقول تعم للمجلس العسكري -لولا ان في بنات هتقري الكلام ده كنت كملت باقي سطور التدوينة يالسباب-
لا يافالح انت وهوا ابسط حد قال نعم في الاستفتاء علشان تتنيلوة ترجعوا ثكناتكم فبلاش والنبي اشتغالات علشان احنا مش جايين من المريخ احنا جايين من التحرير فاكر التحرير ولا نسيتة عموما لو نسيت يوم 27 هيفكرك ايوة هيفكرك هيفكرك ان اي حد هيفكر يقف او بقتل ثورتنا لن نسامح ولن نتصالح معة فلا بديل عن حرية وكرامة شعبنا وشبابنا الحر نيجي بقي للرسالة 56 هل هي تدل علي غدر مدبر ومرتب لكل من تسول لة نفسة ان ينزل التحرير ويقف في وجه مجلسكم الموقر ليقول لة عاوزين مجلس رئاسي او بمعني اصح ياخذ من تحتكم الكرسي وكلنا نعرف مدي حبكم وحب مبارك من قبلكم لهذا الكرسي اعتقد انكم لن تتركو هذا الكرسي ابدا وسنجد في يوما علي صفحات الجرائد بالمانشيت العريض مصر ليست تركيا.
نحن لن نسمح باي سلطة عسكرية ان تحكم البلاد مرة اخري تحت اي مسمي من الان والي الابد ستحكمنا المدنية وسنحارب من اجل مدنية الحكم في البلاد حتي اخرة قطرة في دمائنا
انني منذ سنوات وانا اهتف في شوارع المحروسة يسقط يسقط حكم العسكر فخلعنا كلب العسكر مبارك ولن نسمح ان ياتي لنا مبارك اخر واحذركم من بث الخوف في نفوس المواطنين وان اسرائيل علي الحدود والبلد هتخرب وان احنا مخربين وعناصر خارجية وهنولع البلد والكلام ده انسي يا مجلس فنحن شعب نتعلمم من اخطائنا .
واقول لكم وبوضوح ان افعالكم في الايام القليلة الماضية تخيركم ما بين تنفيذ مطالبنا وبين الاعتصام في التحرير ... والله االموفق
صحيح نسيت اقولكم ليكم عندي تدوينة كمان .......