انا هتكلم علي الجزء الخاص بيا في الرحلة طبعا في حاجات كتير تانيه قام بيها ابطال اخرون لكنني لم اعرفها بعد
البداية ازاي سافرت ؟ بعد ما شفت صور الشهداء الليبين وتابعت الاخبار قلت لازم اعمل حاجة ملموسة للشعب الليبي اتصلت بأحد الارقام المنشورة علي الفيس بوك فابلغلني بان اذهب الي مسجد رابعة العدوية وبالفعل خلال 10 دقائق كنت امام المسجد تعرفت علي المنسقين للقوافل وكنت مبسوط انهم لا ينتموا الي مؤسسة او منظمة وشعرت من الوهلة الاولي انهم شباب ميدان التحرير ابتديت شغل مع الشباب وعرفت منهم تفاصيل كتير عن اللي بيعملوة كنت مبسوط جدا بالشباب ده وعرفت ان الثورة غيرت الناس بجد .
الدعم كان عبارة عن ادوية واغذية واموال طب الحاجات دي كانت بتيجي ازاي؟؟؟ بص ياسيدي احنا كنا بنقعد عند الجامع والناس اللي رايحة وجاية بتسأل انتو قاعدين لية كدة يا شباب نشرحلهم الموضوع يغيب شوية وتلاقية راجع وبيديلك شنطة تلاقي فيها علاج او اكل
او يديلك فلوس وهكذا طول اليوم وطبعا شباب الفيس كانو بيجوا ويجيبوا حاجات كتير نفضل طول اليوم نصنف الاشياء حسب النوع ونحطها في كراتين ونقفلها بالبلاستر وهكذا لغاية الساعة 12 بليل وبعد كدة نجيب سيارة شحن ونرص الكراتين في السيارة وبعد ذلك تنطلق الي السلوم. شاركت في اول قافلة وفي ثاني قافلة ولكن كل مرة لا تتاح فرصة للسفر وارجع الي سريري وانا اتمني ان يذهب الليل سريعا لاذهب لاعداد القوافل وفي القافلة الثالثة وكانت يوم الاربعاء وكنت قد رتبت اموري للسفر هذة المرة وذهبت في صباح اليوم لاقابل حبيب فلبي او بمعني اصح اودعها لاننا كنا نعلم اننا عندما ندخل الاراضي الليبية ستكون الشهادة اقرب الينا من الرجوع
وبعد ان تقابلنا توجهت الي مسجد رابعة لبدا العمل وظللت اعمل مابين فرز ادوية واطعمة الي ان جاء الليل وجائت السيارات وركبنا السيارات وانطلقت بنا مسرعة ..... الرحلة في التدوينة القادمة
البداية ازاي سافرت ؟ بعد ما شفت صور الشهداء الليبين وتابعت الاخبار قلت لازم اعمل حاجة ملموسة للشعب الليبي اتصلت بأحد الارقام المنشورة علي الفيس بوك فابلغلني بان اذهب الي مسجد رابعة العدوية وبالفعل خلال 10 دقائق كنت امام المسجد تعرفت علي المنسقين للقوافل وكنت مبسوط انهم لا ينتموا الي مؤسسة او منظمة وشعرت من الوهلة الاولي انهم شباب ميدان التحرير ابتديت شغل مع الشباب وعرفت منهم تفاصيل كتير عن اللي بيعملوة كنت مبسوط جدا بالشباب ده وعرفت ان الثورة غيرت الناس بجد .
الدعم كان عبارة عن ادوية واغذية واموال طب الحاجات دي كانت بتيجي ازاي؟؟؟ بص ياسيدي احنا كنا بنقعد عند الجامع والناس اللي رايحة وجاية بتسأل انتو قاعدين لية كدة يا شباب نشرحلهم الموضوع يغيب شوية وتلاقية راجع وبيديلك شنطة تلاقي فيها علاج او اكل
او يديلك فلوس وهكذا طول اليوم وطبعا شباب الفيس كانو بيجوا ويجيبوا حاجات كتير نفضل طول اليوم نصنف الاشياء حسب النوع ونحطها في كراتين ونقفلها بالبلاستر وهكذا لغاية الساعة 12 بليل وبعد كدة نجيب سيارة شحن ونرص الكراتين في السيارة وبعد ذلك تنطلق الي السلوم. شاركت في اول قافلة وفي ثاني قافلة ولكن كل مرة لا تتاح فرصة للسفر وارجع الي سريري وانا اتمني ان يذهب الليل سريعا لاذهب لاعداد القوافل وفي القافلة الثالثة وكانت يوم الاربعاء وكنت قد رتبت اموري للسفر هذة المرة وذهبت في صباح اليوم لاقابل حبيب فلبي او بمعني اصح اودعها لاننا كنا نعلم اننا عندما ندخل الاراضي الليبية ستكون الشهادة اقرب الينا من الرجوع
وبعد ان تقابلنا توجهت الي مسجد رابعة لبدا العمل وظللت اعمل مابين فرز ادوية واطعمة الي ان جاء الليل وجائت السيارات وركبنا السيارات وانطلقت بنا مسرعة ..... الرحلة في التدوينة القادمة
